ShUǴYL: Atyraý oblysynda Teńizde jataqhana ǵımaraty túgeldeı janyp ketti
ATYRAÝ. 7 qazan QazAqparat - Búgin Atyraý oblysynda «Teńiz» kenishine jaqyn jerdegi vahtalyq kentte jumysshylar jataqhanasy órtenip ketti. Zardap shekkender men qurban bolǵandar joq.
TJ boıynsha departamenttiń jedel kezekshisi Azamat Imanǵalıevtiń aıtýynsha, órt tańǵy saǵat 8-den keıin, jataqhanada eshkim joq kezde bastalǵan. Jalyn saǵat 11-de sóndirildi. Jataqhananyń ıesi «Praım logıstık» JShS, ony «Denhoým joldas» kompanııasy jalǵa alǵan. Aýmaǵy 1000 sharshy metrden astam qamystan salynǵan qurastyrmaly ǵımarat túgeldeı janyp ketti. Órttiń shyǵý sebebi anyqtalýda.
