ShUǴYL: Atyraý qalasynyń jańa ákimi qyzmetine Serik Aıdarbekov taǵaıyndaldy

ATYRAÝ. 20 tamyz. QazAqparat - Búgin Atyraý oblysynyń ákimi Baqtyqoja Іzmuhambetov Atyraý qalasynyń ákimi qyzmetine buǵan deıin oblys ákiminiń orynbasary bolyp jumys istegen Serik Aıdarbekovty taǵaıyndady.

Serik Aıdarbekov 1975 jyly dúnıege keldi. Ál-Farabı atyndaǵy Qazaq memlekettik ýnıversıtetin, E.Matteı atyndaǵy (Italııa, Mılan qalasy) joǵarǵy mektepti jáne Q.Sátpaev atyndaǵy Qazaq ulttyq tehnıkalyq ýnıversıtetin támamdaǵan. Ekonomıka ǵylymdarynyń doktory.

Eńbek jolyn 1996 jyly Munaı jáne gaz ónerkásibi mınıstrliginiń ınvestıtsııalyq saıasat departamentiniń mamany retinde bastady. «Qazaqoıl» ulttyq kompanııasynyń taldaý jáne strategııalyq josparlaý departamentiniń taldaýshysy, Premer-Mınıstrdiń keńse bóliminiń keńesshisi,  «Agip KCO» kompanııasynyń qazaqstandyq úlesti damytý boıynsha keńesshisi, menedjeri,  «KER» JShS-niń bıznesti damytý boıynsha dırektory, «PaýerKomm» JShS-niń bas dırektory, «Samuryq memlekettik aktıvterdi basqarý boıynsha qazaqstandyq holdıngi» AQ-nyń munaı jáne gaz aktıvterin basqarý boıynsha bas taldaýshysy, Premer-Mınıstrdiń keńesshisi bolyp jumys istegen. 2010 jyldyń qazan aıynan bastap - oblys ákiminiń orynbasary.

Esterińizge sala keteıik, ótken sársenbi kúni Atyraý oblysynda ákim aýysty. Bergeı Rysqalıevtiń ornyna bul qyzmetke Baqtyqoja Іzmuhambetov taǵaıyndaldy.