ShUǴYL: Astananyń Ońtústik-Shyǵys shaǵynaýdanynda órt kezinde úsh sábı kóz jumdy, taǵy bireýi aýrýhanaǵa jetkizildi
ASTANA. 14 aqpan. QazAqparat - Keshe saǵat 17.02-de Astananyń Ońtústik-Shyǵys shaǵynaýdanynda, jekemenshik turǵyn úıde tóbe jabyndysy jáne bólmearalyq qalqa órtendi.
Órt 47 mınýttan keıin sóndirildi. Tilsiz jaýdy aýyzdyqtaýǵa Astana qalasy boıynsha TJD órtke qarsy qyzmetiniń 23 adamy men 5 tehnıkasy, QR TJM «Apatty medıtsına ortalyǵy» MM-niń 3 adamy men 1 tehnıkasy jumyldyryldy.
QR TJM-niń baspasóz qyzmetinen habarlanǵandaı, órttiń saldarynan úsh sábı - eki jasar qyz bala, bir jasar ul bala men jańadan týǵan sábı oqıǵa ornynda kóz jumdy. 4 jasar qyz ıis tıip ýlaný belgisimen jáne ortasha aýyrlyqtaǵy kúıik shalýmen aýrýhanaǵa jetkizildi, onyń jaǵdaıy qanaǵattanarlyq.
