ShUǴYL: Astananyń qaq ortasynda sporttyq eki kólik - Ford Mýstang pen Mersedes-Bents SLK soqtyǵysty (FOTO)
ASTANA. 2 tamyz. QazAqparat - Búgin kúnniń ekinshi jartysynda Astanada Táshenov kóshesi boıynda, «Aýrıka» janar-jaǵarmaı stansasy aýmaǵynda qatarynan eki birdeı tóbesi ashyq, sırek kezdesetin, qymbat ári sándi sporttyq kólikter - 5-shi býyndaǵy «Ford
Mýstang» kabrıoleti men birinshi generatsııaly «Mersedes-Bents SLK» soqtyǵysyp, jol-kólik apatyn jasady.
Eki kólikke de aıtarlyqtaı zaqym keldi. Fordtyń bamperleri men oń jaq qanaty, Mersedestiń aldyńǵy jaǵy men qozǵaltqyshy zaqymdaldy. Eki sheteldik kólik qatty soqqydan jaıaý júrginshiler joly men gazonǵa shyǵyp ketti.
Eki kóliktiń de aıtarlyqtaı zaqymdalǵanyna baılanysty apatqa kimniń sebepshi bolǵanyn anyqtaý qıyn. Aıta keteıik, jol-kólik apaty oryn alǵan jerge ázirge jol polıtsııa qyzmetkerleri kelmegen.
Oqıǵa ornynda tek jedel-járdem kóligi ǵana bar.
