ShUǴYL: Astanalyq áýejaıda er adam ózin jaramyn dep qorqytyp, Eýropa elderiniń birine ushyryp jiberýdi talap etti

Astanalyq áýejaıǵa kelgen jigit oǵan Eýropa elderiniń birine ushyrýdy uıymdastyrmasa ózin ózi jaryp jiberetinin aıtty. QR ІІM-niń baspasóz qyzmetinen habarlaǵandaı, oqıǵa 21 jeltoqsan kúni túnde bolǵan.

 «Saǵat 22:10-da Astana qalalyq kóliktegi ІІD polıtsııasynyń áýejaıdaǵy jelilik bólimine patrýldik kúzetshiden áýejaı ǵımaratyna qoldan jasalǵan jarylǵysh quraly bar jılet kıgen belgisiz bireýdiń jaqyndap kele jatqany týraly habarlama kelip tústi. Atalǵan azamatty kezekshi jasaq toqtatty. Ol ózin jaryp jiberemin dep qorqytyp, ony Eýropa elderiniń birine ushyrýdy talap etti», - dep túsindirdi baspasóz qyzmetinen.

Jelilik polıtsııa bóliminiń jeke quramy dabyl boıynsha kóterildi, oqıǵa ornyna Astananyń kóliktegi ishki ister, UQK, tótenshe jaǵdaılar  departamentteriniń jáne prokýratýranyń qyzmetkerleri shyqty.

Jaqynda bolatyn reıske otyrý basqa ǵımarattan bolatynyna siltegen polıtseıler bul adamdy áýejaıdan shyǵaryp, qala jaǵyna qaraı 200 metr jerge apardy.

«Jelilik polıtsııa bóliminiń bastyǵy belgisiz adammen baılanysqa shyǵyp, ony Astana qalalyq ІІB-nyń patrýldik kóligine otyryp, jolaýshylardyń qaýipsizdigi maqsatynda ony Prıgorodnyı kentindegi garaj silemine qaraı qaýipsiz qashyqtyqqa ózi jetkizdi», - delingen baspasóz qyzmetiniń habarlamasynda.

Kóliktiń ishinde ótkizilgen kelissózderden keıin belgisiz azamat jıletin sheship, jelilik polıtsııa bóliminiń ǵımaratyna bardy. Tekserý barysynda Astana qalalyq ІІD-niń arnaıy áreket etý bólimshesiniń saperleri jarylǵysh zattyń mýlıaj bolyp tabylatynyn anyqtady.

Er adamnyń esimi anyqtaldy - ol Aqmola oblysyndaǵy Stepnogor qalasynyń 18 jasar turǵyny, buryn urlyq úshin sottalǵan. Ustalǵan azamat ýaqytsha ustaý abaqtysyna qamaldy, QR QK-niń 242 babymen (lańkestik aktisi týraly kórineý jalǵan habarlama) qylmystyq isti qozǵaý máselesi sheshilýde.