ShUǴYL: Astanadaǵy «Ýıýt» TK-de bolǵan órtte 33 adam qaýipsiz jerge kóshirilip, bir er adam aýrýhanaǵa jetkizildi
ASTANA. 29 jeltoqsan. QazAqparat - Astana qalasynyń Esil aýdanyndaǵy Syǵanaq kóshesinde ornalasqan 10 qabatty «Ýıýt» TK-de túngi saǵat 01:22-de úshinshi qabattaǵy páter órtendi.
Bul týraly QR TJM-niń baspasóz qyzmetinen habarlady.
Jalyn saǵat 01:54-te aýyzdyqtalyp, 02:03-te sóndirildi. Onymen kúreske QR TJM Astana qalalyq TJD órt sóndirý qyzmetiniń 27 adamy men 8 tehnıka birligi; QR TJM «AMO» MM-niń 3 adamy men 1 tehnıkasy jumyldyryldy. Jalyn tili 30 sharshy metr aýmaqqa tarady. 33 adam qaýipsiz jerge kóshirildi, aralarynda 3 bala bar. Oqıǵa ornynan 38 jastaǵy er adam aýrýhanaǵa jetkizildi.
