ShUǴYL: Astanadaǵy «Bereke» TK-degi órtti sóndirý barysynda 150 adam qaýipsiz aımaqqa kóshirildi - QR TJI
ASTANA. 29 sáýir. QazAqparat - Astanada 2 qabatty jataqhana ǵımaraty órtenip, onyń janynda salynyp jatqan «Bereke» TK-niń 1 qabatynan 9 qabatyna deıingi tereze jáne balkon jaqtaýlaryna kóshti (zaqym kelgen páterlerdiń sany - 41), dep habarlady QR TJM.
Órt 3 saǵattan keıin sóndirildi.
Tilsiz jaýdy aýyzdyqtaýǵa QR TJM Astana qalasy boıynsha TJD órtke qarsy qyzmetiniń 127 adamy men 33 tehnıkasy jáne QR TJM shuǵyl qutqarý jasaǵynyń 8 adamy men 2 tehnıkasy jáne QR TJM «TsMK» MM-niń 3 adamy men 1 tehnıkasy jumyldyryldy.
Jalyn 800 sharshy metrdi sharpyp ótti. Órtti sóndirý barysynda 150 adam, onyń ishinde 15 bala qaýipsiz aımaqqa kóshirildi. Qaza bolǵandar men zardap shekkender joq.
