ShUǴYL: Astanadaǵy 9 qabatty úıde bolǵan órt kezinde 30 adam qaýipsiz aımaqqa kóshirildi, 25 adam qutqaryldy
ASTANA. 10 aqpan. QazAqparat - Astana qalasynyń Almaty aýdanynda keshe saat 20.58-de Táshenov kóshesinde ornalasqan 9 qabatty turǵyn úıdiń birinshi qabatynda ornalasqan páterde órt shyqty, dep habarlaıdy QR TJM baspasóz qyzmetinen.
Jalyn 21.16-da aýyzdyqtalyp, 21.42-de tolyǵymen sóndirildi. Órtti sóndirýge Astana qalasy TJD órt sóndirý qyzmeti jeke quramynyń 35 qyzmetkeri men 11 tehnıka birligi, «AMO» MM 3 qyzmetkeri men 1 tehnıkasy, QR TJM «OÓAJQJ» MM 5 qyzmetkeri men 1 tehnıkasy jumyldyryldy.
Jalyn 15 m2 aýmaqqa taraldy. Qaza tapqandar men zardap shekkender joq. Órt sóndirý kezinde 30 adam qaýipsiz aımaqqa kóshirildi, 25 adam qutqaryldy (sonyń ishinde 7 bala bar).
