ShUǴYL: Astanada jóndeý jumystaryna baılanysty birqatar kósheler jabylady
ASTANA. 16 sáýir. QazAqparat - Búgin Astanada jol jóndeý jumystaryna baılanysty birqatar kósheler jabylady, dep habarlaıdy qalalyq JPB baspasóz qyzmeti.
Atap aıtqanda, Baraev kóshesiniń Kravtsov kóshesimen qıylysy, Saryarqa dańǵylynyń Bógenbaı men Seıfýllın kósheleri arasyndaǵy bóligi, Qabanbaı dańǵylynyń kópirden bastap, Saraıshyq kóshesine deıingi tusy, Tilendıev kóshesiniń Qartaly jolymen qıylysqan aýmaǵy, Máskeý men Potanın atyndaǵy kóshelerdiń qıylysy, Kenesary men Ǵabdýlın kósheleriniń ushtasqan bóligi jabylady.
Osyǵan oraı, Jol polıtsııasy basqarmasy qala júrgizýshilerinen atalǵan ýchaskelerdi aldyn ala aınalyp ótý baǵyttaryn qarastyrýlaryn suraıdy.
