ShUǴYL: Astanada jańadan salynyp jatqan «Haziret Sultan» meshiti órtenip jatyr

Bul týraly «QazAqparat» tilshisine Astana qalasy boıynsha Tótenshe jaǵdaılar departamenti baspasóz qyzmetiniń bas mamany Bıbigúl Esmaǵambetova habarlady.

Qazirgi ýaqytta jaraqat alǵandar men zardap shekkender týraly aqparat túsken joq. Sondaı-aq, órttiń shyǵý sebepteri men onyń qansha aýmaqqa taralǵandyǵy belgisiz.

Tilsiz jaýdy aýyzdyqtaýmen TJD órtke qarsy qyzmetiniń jeke quramy aınalysýda.  

Eske salaıyq, osy kúnge deıin meshittiń qurylysy 90 paıyzǵa aıaqtalǵan bolatyn. 3 qabattan turatyn meshitte neke qııý zaly, ashana, tehnıkalyq bólmeler, ımamdardyń kabınetteri ornalasatyn bolady. 5000 adamǵa eseptelgen dinı mekemeniń aýdany 18 myń sharshy metrdi quraıdy. Al nysannyń alyp jatqan jalpy aýmaǵy - 12 gektarǵa jýyq.