ShUǴYL: Astanada zańsyz alkogoldiń iri partııasy tárkilendi
ASTANA. 31 tamyz. QazAqparat - Astana qalasy boıynsha Ekonomıkalyq qylmysqa jáne sybaılas jemqorlyqqa qarsy kúres departamentiniń qyzmetkerleri zańsyz alkogoldik ishimdikterdiń iri partııasyn anyqtady.
Bul týraly búgingi baspasóz máslıhatynda departamenttiń baspasóz hatshysy Gúljanat Qushtarova málim etti.
Tamyzdyń 29-y kúni ótken jedel-izdestirý sharalary barysynda «Admıralteıskaıa», «Hlebnaıa Rýs», «Jýravýshka», «Parlament», «Fınka», «Hýtorıanka», «Berezovana brýnkah» araqtary, «Ál-Farabı» jáne «Admıral» konıaktary, sondaı-aq «Blunun», «Chateau» jáne «Merlot» markaly sharaptardyń 155 myń danasy saqtalǵan zańsyz alkogol ónimderiniń qoımasy anyqtaldy. «Bul - jyl basynan beri tárkilengen zańsyz alkogoldiń eń iri partııasy. Qazirgi kezde sot-krımınalıstik saraptama taǵaıyndalyp, tekseris júrgizilip jatyr. Onyń nátıjesi boıynsha shyǵynnyń naqty kólemi belgili bolady», - deıdi G.Qushtarova.
