ShUǴYL: Astanada UBT tapsyrý aıaqtaldy

Astana ákimdiginiń málimetinshe, barlyǵy elordada UBT tapsyrýǵa 3549 oqýshy qatysty. Taǵy 497 túlek, sonyń ishinde 114 oqýshy - halyqaralyq olımpıadalar men zııatkerlik saıystardyń jeńimpazdary men júldegerleri, sondaı-aq alys jáne jaqyn sheteldiń joǵary oqý oryndaryna joldama alǵan túlekter dástúrli emtıhan tapsyrdy.

Syrqattanýy sebepti 3 oqýshy testileýge kele almady. Olar shilde aıynda bıyl oqýǵa túsýdi josparlap otyrǵan burynǵy jyldardaǵy túlektermen birge keshendi testileýge qatysa alady.

Qazirgi tańda, apellıatsııa nátıjelerin esepke almaǵanda, Astanadaǵy eń joǵarǵy kórsetkish - 125 ball. Ondaı nátıjege qyz balalarǵa arnalǵan Qazaq-túrik lıtseıi (QTL) túlegi Ásel Qysyqova qol jetkizdi. UBT qatysýshylarynyń 23 paıyzy 90 men 125 aralyǵynda ball jınaǵan. Aldyn-ala berilgen málimetterge sáıkes, Astananyń bilim mekemeleriniń úzdik ondyǵyna daryndy balalarǵa arnalǵan Zerde mektebi (108,35), qyz balalarǵa arnalǵan QTL (102,66), ul balalarǵa arnalǵan QTL (102,41), №6 gımnazııa  (94,67), «Kógildir jelken» jeke mektebi (94,33), «Elordalyq» lıtseı (93,50), №38 mektep-lıtseıi (91,91), №50 mektep-lıtseıi (91,24), №3 mektep-gımnazııasy (90,12) jáne №60 mektep-lıtseıi (89,96) endi.

UBT qorytyndy nátıjeleri men elorda mektepteriniń ortasha baldary Respýblıkalyq apellıatsııalyq komıssııa jumysyn aıaqtaǵan soń belgili bolady.