ShUǴYL: Astanada sot oryndaýshysy para alý kezinde ustaldy
ASTANA. QazAqparat - Astana qalasy boıynsha EQSJKD qyzmetkerleri Sot aktilerin oryndaý departamentiniń sot oryndaýshysy S.Panbaevty para alý kezinde ustady. Bul týraly departamenttiń baspasóz hatshysy Tolqyn Nábıeva habarlady.
28 aqpan kúni elordalyq qarjy polıtseıleri «Kerýen» saýda ortalyǵynda para alý kezinde sot oryndaýshysy S.Panbaevtyń ústinen tústi. Ol S.esimdi azamatshadan ony qylmystyq jaýapkershilikke tartpaýy jáne oǵan qatysty óndiristi toqtatýy úshin 100 myń teńge para alǵan.
«Qarjy polıtseıleri isti atalǵan azamatty ustaǵan ýaqyttan bastap jeńildetilgen sotqa deıingi óndiris tártibimen qozǵap, 15 saǵat ishinde japty. Ustalǵan azamat óz kinásin tolyǵymen moıyndap, qazir is sotqa joldandy», - dedi baspasóz hatshysy.
Buǵan deıin «QazAqparat» elordadaǵy «Kerýen» saýda ortalyǵyna kelýshiler paraqor qylmyskerdi ustaý operatsııasyna kýá bolǵany týraly habarlaǵan bolatyn. Alaıda, naqty kimniń jáne para kólemine qatysty málimet aıtylmaǵan-dy.
