ShUǴYL: Astanada «Mıras» mektebi órtendi, 500 adam qaýipsiz aýmaqqa shyǵaryldy - QR TJM
ASTANA. 22 aqpan. QazAqparat - Astanada «Mıras» mektebi órtendi, 500 adam qaýipsiz aýmaqqa shyǵaryldy.
QR TJM-niń baspasóz qyzmetinen málim etkendeı, beısenbi, 21 aqpan kúni Astanadaǵy Kúıshi Dına kóshesinde ornalasqan «Mıras» mektebiniń ınformatıka kabınetinen órt shyqty. Jalyn jarty saǵattan keıin sóndirildi. Órt 30 sharshy metr aýmaqqa tarady. Mektepten 500 adam (285 oqýshy men 115 qyzmetker) qaýipsiz jerge kóshirildi. Zardap shekkender men qaza tapqandar joq.
Órtpen kúreske QR TJM Astana qalalyq TJD órt sóndirý qyzmetiniń 40 adamy men 10 tehnıkasy jumyldyryldy.
Sol kúni Jambyl oblysynyń Qyzyl Qaınar aýylynda jańadan salynyp jatqan úıde órt boldy. Jalyn 210 sharshy metr aýmaqty sharpydy. TJ saldarynan 72 jastaǵy zeınetker kúıik jaraqattaryn alyp, aýrýhanaǵa tústi.
Órtti sóndirýge Jambyl oblystyq TJD-niń 12 adamy men 3 tehnıkasy, QR TJM «Órt sóndirýshi» AQ fılıalynyń 3 adamy men 1 tehnıkasy jumyldyryldy.
