ShUǴYL: Astanada qyzǵanyshtyń saldarynan ákesi ózin jáne 6 jasar ulyn atyp óltirdi
ASTANA. 2 mamyr. QazAqparat - Astanalyq polıtsııa qyzmetkerleri er adam men balanyń máıiti bar «Folksvagen Passat» markaly kólikti tapty.
Tekserý amaldaryn júrgizý barysynda kóz jumǵandardyń jeke tulǵasy anyqtaldy. Olar: 29 jasar K. esimdi azamat pen onyń 6 jasar uly bolyp shyqty, dep habarlady ІІD-niń baspasóz qyzmeti.
Tekserý amaldaryn júrgizip jatqan basqarmanyń polıtsııa qyzmetkerleri anyqtaǵandaı, qyzǵanshaqtyq ólimniń sebepshisi bolǵan. K. esimdi azamat buǵan deıin ajyrasyp ketken azamattyq nekedegi áıelinen ulyn alyp, onymen birge serýendep keletindigin aıtqan.
Óziniń burynǵy áıeli turmysqa shyǵýǵa daıyndalyp jatqandyǵynan habardar bolǵan ol ózin jáne balasyn atyp tastaǵan. Ol atasynan ańshy qarýyn urlap alyp, aldymen balasyn, keıin ózin basynan atqan.
Bul fakti boıynsha qylmystyq is qozǵaldy, tekserý amaldary júrgizilýde.
