ShUǴYL: Astanada qurylys alańynda metall konstrýktsııasy qulap, 7 adam zardap shekti
ASTANA. QazAqparat - Búgin saǵat 9:00-de Astana qalasy TJD-ne «Kórkem» TK qurylysyndaǵy metall konstrýktsııasy qulap, qurylysshylar zardap shekti degen habar kelip tústi, dep habarlaıdy Astana qalalyq TJD. Qutqarýshylar kelip jetken sátte metall úıindileriniń astynda 4 adam qalyp qoıǵany belgili bolǵan. Olarǵa TJD «Órt sóndirý jáne avarııalyq-qutqarý jumystary qyzmeti» MM-nyń qyzmetkerderi shuǵyl kómek kórsetken.
Qazirgi tańda qurylysshylar men Astana qalasy TJD Qutqarý qyzmetiniń jeke quramynyń kúshimen zardap shekkenderdiń barlyǵy úıindi astynan shyǵaryldy. Іlinip turǵan metall konstrýktsııalardy bekitý jumystary júrgizildi. Oqıǵa ornynda 5 jedel járdem kóligi zardap shekkenderge kómek kórsetýde. Aldyn ala málimetter boıynsha oqıǵa saldarynan 7 adam zardap shekti.
