ShUǴYL: Astanada kópqabatty úı órtenip jatyr
ASTANA. QazAqparat - Astanada Mırzoıan kóshesindegi nómiri 23/1-shi úıdiń jertólesi órtenip jatyr. Atalǵan aýdan qorshaýǵa alyndy. Dál qazir kópqabatty úıdiń turǵyndary qaýipsiz jerge kóshirilýde. Órt sóndirýshiler adamdardy terezeden alyp shyǵyp jatyr.
Tótenshe jaǵdaımen kúresýge TJM men polıtsııa qyzmetkerleri tartyldy. Órt sóndirý qyzmetiniń ondaǵan tehnıkasy jumyldyryldy.
Polıtsııa qyzmetkeriniń QazAqparat tilshisine habarlaǵandaı, birinshi qabattaǵy páterdiń birinen bastalǵan elektr toǵynyń tuıyqtalýy onynshy qabatqa deıin jalǵasty. Órttiń shyǵýyna sol sebep bolýy múmkin. Qazirgi ýaqytta zardap shekken eshkim joq.
