ShUǴYL: Astanada karaoke-barda atys uıymdastyrǵandar ustaldy

Qalalyq ІІD-niń baspasóz qyzmetinen habarlaǵandaı, polıtsııa qyzmetkerleri bolǵan oqıǵanyń mán-jaıyn anyqtaý barysynda aǵymdaǵy jylǵy qarashanyń 15-inen 16-syna qaraǵan túni «Haıvıll» TK-de ornalasqan karaoke-barda ishimdik ishken er adamdar kompanııasy men mekemeniń kúzet qyzmeti arasynda kelispeýshilik bolǵanyn anyqtady. Shıelenistiń basy mekemege kelgen 3 qonaqtyń shotty tóleýden bas tartýynan týyndady.

Keıin, daý-damaıǵa qatysýshylardyń biri barda qalyp, qalǵandary shotty tóleý úshin aqsha alyp kelýge ketken.

Birshama ýaqyttan keıin dostary qaıtyp keldi, biraq aqshamen emes. Olardyń biri kamýflıajdy formany kıip úlgergen jáne ózimen  «IJ-58» markaly ańshy qarýyn ala kelgen. Ol karaoke-bardyń ishinde ártúrli baǵyttar boıynsha atys ashty, barlyǵy 12 oq atyldy. Onyń sońynan ergen dosy pyshaqpen qarýlanǵan. Keıin «ańshy» men onyń dostary belgisiz baǵytta izderin sýytty.

Astana qalalyq ІІD-niń qyzmetkerleri shuǵyl-izdestirý sharalarynyń nátıjesinde olardyń ornalasqan jerin anyqtady.

Qarashanyń 17-sinen 18-ine qaraǵan túni shuǵyl qyzmetkerler men «Arlan» arnaıy maqsattaǵy bólimsheniń sarbazdary birlesip, olardy ustaýdy  júzege asyrdy. Júrgizilgen tintýlerdiń barysynda polıtsııa qyzmetkerleri ustalǵandardyń biriniń páterinen ańshylyq patrondar men kamýflıajdy kıimdi tapty. Sondaı-aq «IJ-58» markaly qarý tabylyp, tárkilendi, ustalǵandar odan qutylmaq bolyp, qoqys jáshigine tyǵyp tastaǵan.

Tergeý barysynda ustalǵandardyń tulǵalary belgili boldy. Olar: Armenııa Respýblıkasynyń azamaty, 1970 jyly týǵan A. esimdi azamat jáne Astana qalasynyń 1984 jyly týǵan H. esimdi jáne 1983 jylǵy K. esimdi turǵyndary. Suraý barysynda polıtseıler oqty H.esimdi azamat atqandyǵyn jáne qarý soǵan tıesili ekendigin anyqtady.

 Qazirgi ýaqytta ustalǵandar Astana qalalyq ІІD Ýaqytsha ustaý abaqtysyna jetkizildi.

Atalǵan fakti boıynsha QR QK 257-baby, 3-tarmaǵy boıynsha qylmystyq is qozǵaldy. Tergeý júrgizilýde.