ShUǴYL: Astanada qaraqshylyq shabýylǵa kúdiktilerdi ustaý boıynsha arnaıy operatsııa ótkizildi
ASTANA. 23 qazan. QazAqparat - Elordalyq polıtsııa qyzmetkerleri men Qaraǵandy oblysynyń polıtseıleri Astana aýmaǵynda birqatar qaraqshylyq shabýylǵa kúdiktilerdi ustaý boıynsha arnaıy operatsııa ótkizdi.
Astana qalasy ІІD-niń baspasóz qyzmeti habarlaǵandaı, «Esil» aýdany ІІB tergeý bóliminiń qyzmetkerleri, astanalyq ishki ister departamenti «Esil» aýdany arnaıy baǵyttaǵy qurylymnyń sarbazdary Qaraǵandy ІІD Osakarov AІІB-niń qyzmetkerlerimen birlesip júrgizgen jedel-izdestirý sharasynyń barysynda Qaraǵandy oblysynyń aýmaǵynda 4 adamnan turatyn qaraqshylyq shabýylǵa kúdiktiler ustaldy.
Tintý kezinde olardyń birinen altyn zergerlik buıymdar, al ekinshisinen esirtki zaty tabyldy.
Qazirgi ýaqytta ustalǵandar Qaraǵandy oblysy Osakarov AІІB-ne jóneltildi. Tekserý amaldary júrgizilýde.
