ShUǴYL: Astanada qamaýǵa alynǵan azamat qashyp ketti
ASTANA. 20 jeltoqsan. QazAqparat - 19 jeltoqsan kúni, keshki saǵat jeti jarym shamasynda QR QK 259-baby, 1-1 tarmaǵynda qarastyrylǵan
(esirtki zattaryn satyp alý, tasymaldaý, satý, saqtaý) qylmystardy jasaǵany úshin tergeý barysyna qamaýǵa alynǵan 1972 jyly týǵan Kovalev Igor Vasılevıch qashyp ketti. Bul týraly QR ІІM Qylmystyq-atqarý júıesiniń baspasóz qyzmetinen málim etti.
Anyqtalǵandaı, qamaýǵa alynǵan azamat Astana qalasyndaǵy Temirjol aýrýhanasynyń birinshi qabatynda ornalasqan rentgenkabınettiń terezesinen sekirip ketken. Onda ol qaraýyldardyń ilesýimen «Sol qolynyń ıyǵy men buǵanasynyń shyǵýy» dıagnozymen medıtsınalyq kómek kórsetý úshin jetkizilgen bolatyn.
Qazirgi ýaqytta Qylmystyq-atqarý júıesi departamenti men Astana qalalyq ІІD-niń kúshteri ony izdep-tabý boıynsha shuǵyl-tergeý is-sharalaryn júrgizýde.
