ShUǴYL: Astanada qamaýdan qashyp ketken azamat ustaldy
ASTANA. 20 jeltoqsan. QazAqparat - Keshe Astanada quqyq qorǵaýshylardyń qolynan tergeý barysyna qamaýǵa alynǵan azamat qashyp ketti, ol búgin, 16 saǵattan keıin ustaldy,
dep habarlandy ІІM Qylmystyq-atqarý júıesiniń baspasóz qyzmetinen.
Astana qalasy boıynsha QAJ departamenti basshysynyń mindetin atqarýshy Tolqyn Narymbıevanyń sózine qaraǵanda, qylmystyq-atqarý júıesi qyzmetkerleriniń saýatty áreketteri arqasynda qashqyn saǵat 12.30-da Syzdyq Muhamedjanov kóshesindegi úılerdiń arasynda ustaldy, ol ustaý kezinde qarsylyq kórsetpedi.
Esterińizge sala keteıik, keshe shamamen saǵat 19.30-da QR QK 259-baby, 1-1 tarmaǵynda qarastyrylǵan (esirtki zattaryn satyp alý, tasymaldaý, satý, saqtaý) qylmystardy jasaǵany úshin tergeý barysyna qamaýǵa alynǵan 1972 jyly týǵan Kovalev Igor Vasılevıch qashyp ketti.
Qamaýǵa alynǵan azamat Astana qalasyndaǵy Temirjol aýrýhanasynyń birinshi qabatynda ornalasqan rentgenkabınettiń terezesinen sekirip ketken. Onda ol qaraýyldardyń ilesýimen «Sol qolynyń ıyǵy men buǵanasynyń shyǵýy» dıagnozymen medıtsınalyq kómek kórsetý úshin jetkizilgen bolatyn.
