ShUǴYL: Astanada qalaaralyq avtobýs apatqa ushyrap, ortalyq kóshelerdiń birin jaýyp tastady (FOTO)
ASTANA. 26 qazan. QazAqparat - Astanada respýblıka jáne Baraev kósheleriniń qıylysyndaǵy jolaıryqta qalaaralyq baǵytta qatynaıtyn jolaýshyar avtobýsy jolaqty bólip turǵan baǵanaǵa soǵylyp, kópirdiń astyndaǵy kólik qozǵalysyn shektep tastady, dep habarlaıdy QazAqparat tilshisi.
Oqıǵa kezinde avtobýstyń ishinde birde-bir jolaýshy bolmaǵan. Apat saldarynan Táshenov kóshesinen Respýblıka dańǵylyna baǵyt alǵan kólikter kóldeneń turǵan avtobýstan óte almaı, keptetilip qalǵan. Qalalyq TJB-nyń arnaıy kóligi kópir qabyrǵasyna janshylyp qalǵan avtobýsty alyp shyqty.
"Men avtobýsty jol jıegine qoıyp, ózim Túrkııa Elshilgine ketip qalǵan bolatynmyn. Kólikke belgisizder enip ketse kerek, tejegishten alyp tastapty. Sonyń kesirinen avtobýs artqa qaraı júrip ketken", - deıdi avtobýs júrgizýshisi tilshige bergen suhbatynda.
