ShUǴYL: Astanada eki jolaýshylar avtobýsy soqtyǵysty, zardap shekkender bar - QR TJM
ASTANA. 5 aqpan. QazAqparat - Astanada eki avtobýs soqtyǵysty, júrgizýshilerdiń biri jáne bes jolaýshy aýrýhanaǵa jetkizildi, dep habarlady QR TJM-niń baspasóz qyzmetinen.
Dúısenbi, 4 aqpan kúni Astanada Kenesary jáne Ýálıhanov kósheleriniń qıylysynda «Hunday» markaly №37 jáne №38-shi baǵdarlyq eki avtobýs soqtyǵysty. Jol apaty saldarynan bir avtobýstyń júrgizýshisi men bes jolaýshysy túrli jaraqattarmen aýrýhanaǵa jetkizildi.
Oqıǵa ornyna QR TJM Astana qalalyq TJD-niń 3 adamy men 1 tehnıkasy, QR TJM «Ortalyq óńirlik aeromobıldi shuǵyl-qutqarý jasaǵy» MM-niń 3 adamy men 1 tehnıkasy, QR TJM «Apattar medıtsınasy ortalyǵy» MM-niń 3 adamy men 1 tehnıkasy jumyldyryldy.
