ShUǴYL: Astanada avtobýspen soqtyǵysyp, 4 adamdy baqılyq etken krandy kóliktiń júrgizýshisi qamaýǵa alyndy
ASTANA. 6 tamyz. QazAqparat - Astanada 4 adam qaza tapqan jol-kólik oqıǵasynda avtobýspen soqtyǵysyp qalǵan krandy kóliktiń júrgizýshisi qamaýǵa alyndy, dep habarlaıdy Astana qalalyq ІІD-niń baspasóz qyzmetinen.
Buryn habarlanǵandaı, jeksenbi, 5 tamyz kúni Saryarqa dańǵyly men Kenesary kóshesiniń qıylysynda krandy kóliktiń 29 jasataǵy júrgizýshisi Kúmisbekov kóshesine qaraı burylysta ishinde 30 adam bolǵan № 36 baǵdarly jolaýshylar avtobýsymen soqtyǵysyp qaldy.
Jol-kólik oqıǵasynyń saldarynan avtobýstyń 4 jolaýshysy oqıǵa ornynda kóz jumdy, túrli dárejedegi jaraqattar alǵan jolaýshylardyń bir bóligi qalalyq aýrýhanalarǵa jetkizildi, oqıǵa ornynda medıtsınalyq kómek alǵan qalǵandary úılerine jiberildi.
Qazirgi ýaqytta krandy kóliktiń júrgizýshisi Astana qalalyq ІІD-niń ýaqytsha ustaý abaqtysyna qamaldy.
Atalǵan fakti boıynsha QR QK-niń 296-babymen qylmystyq is qozǵaldy. Tergeý amaldary júrgizilýde.
