ShUǴYL: Astanada aýa raıy kúrt tómendeıdi
ASTANA. 13 jeltoqsan. QazAqparat - Osydan bir apta buryn elordada daýyl turyp, tutqıyldan soqqan boran kópshilikti ábigerge salǵan edi. Qazir qystyń qahary qaıtyp, ıyqtan júk túskendeı boldy. Alaıda, «Qazgıdromet» ortalyǵynyń mamandary mundaı aýa raıynyń áli qaıtalanatynyn aıtady, dep jazady elordanyń resmı saıty.
"Aldaǵy kúnderi Astana qalasy boıynsha turaqsyz aýa raıy saqtalady. 13 jeltoqsanda aýa raıy jaýyn-shashynsyz. 14,15 jeltoqsanda qar jaýady, burqasynmen birge jeldiń kúsheıýi baıqalady. Aýa temperatýrasy bul kúnderi túngi saǵattarda -12-13 gradýs aıazdy kórsetedi, kúndiz -1-3 gradýs aıazdy kórsetedi. Al 15, 16 jeltoqsanda aýa temperatýrasynyń kúrt tómendeýin baıqaımyz. Túngi saǵattarda Astana qalasy boıynsha temperatýra -15-20 gradýsqa deıin tómendeıdi, al kúndiz -8, -10 gradýs aıaz bolady", - dep málimdedi Astana qalasy «Qazgıdromet» RMQ ınjeneri Móldir Esqalıeva.
«Qazgıdromet» ortalyǵynyń boljamyna sáıkes jeltoqsan aıynyń 13-17 aralyǵynda qatty boran turady. Sondyqtan mamandar alys jolǵa shyǵarda saq bolýǵa keńes beredi.
