ShUǴYL: Astanada asa úlken kólemde oq-dárini urlaǵan qylmystyq top ustaldy - elordalyq ІІD
ASTANA. 6 qyrkúıek. QazAqparat - Astana qalasy ІІD tergeý boıynsha basqarmasynyń qyzmetkerleri 3 adamnan quralǵan qylmystyq topty qolǵa túsirdi.
Olar - Batys Qazaqstan oblysynyń týmalary, bireýi birneshe ret isti bolǵan.
Bul týraly brıfıngte Astana ІІD tergeý boıynsha basqarma basshysynyń orynbasary, polıtsııa podpolkovnıgi Aıdos Rysbaev aıtty.
Onyń sózine qaraǵanda, ustalǵandar Aqmola oblysynyń aýmaǵynda turaqta turǵan júk kólikteriniń ishinen taýarlyq qundylyqtardy urlap áketip otyrǵan.
Quryqtalǵandardyń turǵylyqty meken-jaıy men kólikterin tintý kezinde polıtsııa qyzmetkerleri teledıdarlar men mıkrotolqyndy pesh, kıim-keshek, aıaq kıim men basqa da taýarlar tapty.
Oǵan qosa 12 kalıbrlik ańshy qarýynyń 6 myńnan astam oq-dárisi alyndy. QR QK-niń 175 baby 4 bólimi boıynsha qylmystyq is qozǵaldy.
