ShUǴYL: Astanada «Arman» dámhanasyn órt shaldy
ASTANA. QazAqparat - Astanada Ýálıhanov kóshesiniń boıynda ornalasqan «Arman» dámhanasy órtendi, dep habarlady TJ jónindegi elorda departamentiniń baspasóz qyzmetinen.
Órt týraly habar «101» telefonyna tańǵy saǵat alty jarymdar kezinde kelip túsken. «Oqıǵa ornynan shaqyrylǵannan keıin bes mınýttan soń birinshi órt sóndirý bólimderi jetken kezde bir qabatty ǵımarattyń shatyry, oǵan japsarlastyra salynǵan saýda dúńgirshekteri men sóreleri órtenip jatqan», - dep habarlady TJD qyzmetkerleri. Tilsiz jaý bir saǵattan keıin aýyzdyqtaldy. Órtti sóndirýge 9 tehnıka men jeke quramnyń 40 mamany jumyldyryldy. Qurban bolǵandar men zardap shekkender joq. Órttiń shyǵý sebebi men odan kelgen materıaldyq shyǵyndar anyqtalýda.
