ShUǴYL: Astanada 5-9 synyp oqýshylary úshin de sabaqtar toqtatyldy
ASTANA. 13 jeltoqsan. QazAqparat - Búgin Astanada birinshi aýysymda oqıtyn 1-9 synyp oqýshylary úshin sabaqtar bolmaıdy.
Bul týraly "169" anyqtama qyzmetinen habarlady.
Eske salaıyq, QR TJM aýa temperatýrasynyń tómen bolýyna baılanysty 12, 13, jáne 14 jeltoqsan kúnderi qala mektepterinde birinshi jáne ekinshi aýysymda oqıtyn 1-4 synyp oqýshylary úshin sabaqtardy toqtatqan bolatyn.
Osy ýaqytta Astanada -30 gradýs aıaz turǵandyqtan sabaqtar qosymsha 5-9 synyp oqýshylary úshin de toqtatyldy.
Aıta keteıik, oqý jylynyń qysqy kezeńinde oqýshylardyń qaýipsizdigi men densaýlyǵyn saqtaý maqsatynda 1-4 synyptarda aýanyń temperatýrasy -25 gradýs jáne odan tómen bolǵanda; 1-9 synyptarda aýanyń temperatýrasy -30 gradýstan tómen bolǵanda; 1-11(12) synyptarda, kásiptik lıtseılerde, kolledjderde (1-2 kýrs oqýshylary úshin) - 35 gradýstan tómen bolǵanda Astana qalasy ákimdigimen kelisilgen bilim uıymdarynda sabaqty toqtatýdyń parametrleri belgilengen bolatyn.
Sabaqty toqtatý týraly aqparat:
- «31 - kanal» teledıdar arnasynyń júrgirtpe jolynda saǵat 6.30-ten 8. 00-ge deıin (birinshi aýysym úshin) jáne 12.15-ten 13.00-ge deıin (ekinshi aýysym úshin) beriledi;
- sondaı-aq sabaqty toqtatý týraly aqparatty 118-01 (9. 00 den - 18. 00 ge deıingi aralyqta), 169 (aqyly) qyzmeti telefondarynan alýǵa bolady.
- ata- analar úshin balalary oqıtyn mekteptiń kezekshi telefonyna, synyp jetekshisine, mektep ákimshiligine habarlasýǵa bolady.
