ShUǴYL: Astana turǵyny - «Blagodat» mıssııasynyń múshesi «paranoıdaldyq shızofrenııa» dıagnozymen aýrýhanaǵa jatqyzyldy
ASTANA. 8 qazan. QazAqparat - «Astanadaǵy «Blagodat» qaıyrymdylyq mıssııasy» dinı birlestiginiń jumysy elordalyq ishki ister departamentiniń nazaryna ilikti.
Aqparat boıynsha, oǵan kelip júrgen músheleriniń biri - Astananyń 34 jastaǵy turǵyny dinı qyzmetke kezekti ret barǵannan keıin aýrýhanaǵa «ózine-ózi qol jumsaýdyń joǵary qaýpi bar paranoıdaldyq shızofrenııa» dıagnozymen jatqyzyldy. Atalǵan faktimen QR QK 103 baby boıynsha qylmystyq is qozǵaldy, dep habarlaıdy ІІD-niń baspasóz qyzmetinen.
Іsti anyqtaý kezinde dári-dármek zattaryn zertteý Ortalyǵynyń qorytyndysy boıynsha, «Blagodat» dinı birlestiginiń pastory qyzmet kezinde múshelerge quramynda fenol tobyndaǵy zaty bar, sondaı-aq jalǵan eles kúıine jetkizetin, adamdy masattaný jáne bosańsýǵa uryndyratyn qospalary bar qyzyl tústi sýsyndy beretindigi belgili boldy.
«Blagodat» DB-niń ǵımaratyn tekserý barysynda sýsynnyń úlgileri men aldyn ala boljam boıynsha dinı alaýyzdyq pen qastyqtyń belgileri bar, sol arqyly psıhologııalyq-fılologııalyq jáne dinı saraptama ótkiziletin kitap tabyldy.
Budan basqa ǵımaratta «Úmit-Nadejda» baspasynyń baspahanasy áshkerelendi. Onda Din isteri jónindegi agenttiktiń tıisti ruqsatynsyz dinı baspa ónimderi shyǵarylǵan.
Qazirgi ýaqytta tergeý amaldary júrgizilýde.
