ShUǴYL: Astana qalasynyń qarjy polıtsııasy Ulttyq medıtsınalyq holdıngtiń laýazymdyq tulǵalaryna qatysty qylmystyq is qozǵady
ASTANA. 29 qańtar. QazAqparat - QR Ekonomıkalyq qylmysqa jáne sybaılas jemqorlyqqa qarsy kúres agenttiginiń Astana qalasy boıynsha departamenti «Ulttyq medıtsınalyq holdıng» AQ-nyń laýazymdyq tulǵalaryna qatysty qylmystyq is qozǵady.
Qarjy polıtsııasynyń málimetterinshe, is QR Qylmystyq kodeksiniń 307 babynyń 1 bólimimen (qyzmettik ókilettikterin teris paıdalaný) qozǵaldy.
«Qyzmet babyn teris paıdalanǵan bul tulǵalar holdıngtiń enshiles uıymdary «Astana medıtsınalyq ýnıversıteti» AQ, «Jedel medıtsınalyq kómek respýblıkalyq ǵylymı ortalyǵy» AQ-na A. esimdi azamatty 2008 jyldyń 18 qyrkúıeginen bastap 2012 jyldyń 1 qarashasyna deıin jalaqynyń tólenýimen jumysqa qabyldaýǵa jalǵan buıryq berdi. Osyndaı jolmen «Densaýlyq saqtaýdy damytý ınstıtýty» RMK, «Respýblıkalyq neırohırýrgııa ǵylymı ortalyǵy» AQ, «Respýblıkalyq balalardy ońaltý ortalyǵy» AQ, «Demeý-UMH» JShS-ne jumysqa sol kezde QR Densaýlyq saqtaý mınıstrliginde jumys istegen N.esimdi azamatsha jalǵan túrde qabyldandy», dep aqparattandyrdy jemqorlyqqa qarsy kúres vedomstvosynan.
Sonyń saldarynan memleketke jalpy somasy 10 828 500 teńge kóleminde shyǵyn keltirildi, dep túıindedi qarjy polıtsııasynda.
