ShUǴYL: Astana boıynsha UBT-nyń nátıjeleri shyǵaryldy, ortasha ball - 78,46
ASTANA. 13 maýsym. QazAqparat - Astana qalasynyń Bilim salasyndaǵy baqylaý departamenti Ulttyq biryńǵaı testileýdiń nátıjelerin shyǵardy. Qorytyndylardy shyǵarýǵa ustazdar, ata-analar qaýymy men mektep túlekteri qatysty.
2012 jyly Astana qalasynda 11 synypty 4049 oqýshy aıaqtady, olardyń 3549-y nemese 87,6 paıyzy UBT-ǵa qatysty. Astana qalasy boıynsha ortasha ball 78,46-ny qurady. Tórt pán boıynsha tómengi mejeni 752 túlek nemese 21,19 paıyzy eńsere almady.
Halyqaralyq olımpıadalar men ǵylymı jarystardyń 125 jeńimpazy men júldegeri Bilim jáne ǵylym mınıstrliginiń buıryǵymen UBT-dan bosatyldy.
Emtıhandy dástúrli túrde 497 oqýshy tapsyrdy (3 oqýshy densaýlyq jaǵdaılaryna baılanysty emtıhannan bosatyldy).
«Altyn belgige» 178 úmitkerdiń - 60-y, sondaı-aq úzdik attestatqa úmitker 13 túlek óz bilimderin rastaı aldy.
Testilik tapsyrmalardyń bazasy 142 806 tapsyrmadan turady. Alǵash ret tapsyrmalarǵa matematıkadan logıkalyq sıpattaǵy suraqtar engizildi, árbir nusqaǵa osyndaı bir-bir suraqtan endi. Jańa tapsyrmalardy ázirleýge jáne saraptamalardy ótkizýge respýblıkanyń eń úzdik degen 166 ustazy tartyldy.
Bıylǵy jylǵy UBT Astana qalasy oqýshylarynyń bilimine obektıvti baǵa berdi.
Eń úzdik 10 mekteptiń aldyńǵy shebine dástúrli túrde Daryndy balalarǵa arnalǵan «Zerde» mektebi ornalasty, ortasha ball - 108,4. Odan keıin qyzdarǵa arnalǵan qazaq-túrik lıtseıi - 102,68 ball, uldarǵa arnalǵan qazaq-túrik lıtseıi - 102,4 ball, №6 gımnazııa - 94,69 ball, «Kógildir parýs» - 94,33 ball, «Astanalyq» lıtseıi - 93,5 ball, «Nur Orda» qazaq-túrik lıtseıi - 92,02 ball, №38 mektep-lıtseıi - 91,93 ball, №50 mektep-lıtseıi - 91,24 ball jáne №3 mektep-lıtseıi - 92,02 balǵa qol jetkizdi.
Aıta keteıik, «Nur Orda» qazaq-túrik lıtseıiniń túlekteri bıyl UBT-ǵa alǵash qatysty, nátıjesinde alǵashqy ondyqqa endi.
