ShUǴYL: Astana áýejaıynda jerge qoný kezinde ushaqtyń oń dońǵalaǵy zaqymdandy
ASTANA. 26 jeltoqsan. QazAqparat - Búgin Kókshetaýdan Astanaǵa ushyp kelgen «Sessna-208» áýe kemesi jerge qoný kezinde oń dońǵalaǵyn zaqymdady, dep habarlandy Astana halyqaralyq áýejaıynyń saıtynan. Aıta keteıik, ushaq bortynda 2 jolaýshy boldy.
Zardap shekkender joq.
«Ushyp-qoný jolaǵynan áýe kemesin evakýatsııalaýǵa baılanysty, 12.30-dan 13-30-ǵa deıin Astana áýejaıy ushaqtardy ushyrý jáne qondyrý úshin jabyldy. Bul oqıǵanyń saldaryn joıý kezinde ushyp kelgen 4 ushaqtyń jerge qonýy keshiktirildi», - dep habarlandy áýejaıdan.
Qazirgi ýaqytta astanalyq áýejaı qalypty rejımde jumys isteýde.
