ShUǴYL: «Astana Arlans» «Amerıkandyq nokaýtshylardy» talqandady
ASTANA. 24 qarasha. QazAqparat- Qazaqstannyń "Astana Arlans" komandasy Álemdik boks serııasy aıasynda (WBS) amerıkandyq USA Knockouts komandasyn talqandady, dep habarlady Vesti.kz.
Matchtyń birinshi kezdesýinde rıngke 54 keli salmaq dárejesine deıingi boksshylar shyqty: Qazaqstan komandasynan - Baǵdat Álimbekov, «Amerıkandyq nokaýtshylardan» - Djoı Gregorı Pereza. Jekpe-jek úshinshi raýndta amerıkandyq boksshynyń qabaǵy jarylyp, jarasynan qan saýǵalaı bastaǵannan keıin toqtatyldy. Nátıjesinde, merziminen buryn jeńiske upaı sandary boıynsha Álimbekov qol jetkizdi.
Ekinshi jekpe-jekte 61 keli salmaq dárejesinde óner kórsetetin qazaqstandyq boksshy Samat Báshenov ózbekstandyq Anvar ıÝnýsovty sabalap, «Astana Arlans» komandasyna merziminen buryn jeńis alyp berdi. «Arlandardyń» kapıtany 5 raýndtyq jekpe-jekte óziniń qarsylasyn 3:0 esebimen basyp ozdy.
85 kelige deıingi salmaqta boz kilemge Horvatııanyń ókili Sep Hrvoıe ("Astana Arlans") jáne Marko Kalıch («Amerıkandyq nokaýtshylar») shyqty. Bul jerde de «arlandar» jeńiske jetti, esep - 3:0.
Qorytyndy jekpe-jekte judyryqtasqan aýyr salmaq (+91 keli) dárejesindegi qazaqstandyq boksshy Rýslan Myrsataev vengrııalyq Ishtvan Bernatty 3:0 esebimen tize búktirdi.
