ShUǴYL: Astana ákimi qoǵamdyq kólikterde jolaqysy qymbattaıtyndyǵy týraly qaýesetti joqqa shyǵardy
ASTANA. 18 qazan. QazAqparat - Astana qalasynyń ákimi Imanǵalı Tasmaǵambetov óziniń jeke blogyna hat jazǵan turǵynnyń suraǵyna jaýap bere otyryp, elordadaǵy qoǵamdyq kólikte jolaqysy qymbattaıtyndyǵy týraly qaýesetti joqqa shyǵardy.
«Astananyń qoǵamdyq kólikterinde tarıfter ósiriletindigi týraly aqparat shyndyqqa janaspaıdy», - dep jazdy ol óz blogynda.
Astana qalasynyń jolaýshylar kóligi jáne avtomobılder joldary basqarmasynyń aqparattandyrýynsha, jolaýshylardy qala baǵyttarymen tasymaldaýdy qazirgi kezde segiz kólik kásiporny júzege asyrýda. Bul rette kún saıyn jolǵa 778 avtobýs shyǵady, onyń 585-iniń - syıymdylyǵy úlken, 192-si - ortasha. Qalalyq baǵdarlardyń uzaqtyǵy jalpy alǵanda 2 442 shaqyrymdy quraıdy, olar boıynsha kún saıyn 515 myńǵa deıin jolaýshylar tasymaldanady.
Aǵymdaǵy jyldyń basynan beri jolaýshylar kóligi kásiporyndary 83 jańa avtobýsty satyp aldy. Bıylǵy jyldyń aıaǵyna deıin qosymsha 20 avtobýsqa deıin satyp alý josparlanýda.
