ShUǴYL: Astana ákimi 2011-2014 jyldarǵa arnalǵan memlekettik turǵyn úı baǵdarlamasy aýqymynda qurylys úshin josparlanǵan nysandardyń tizimin atady

Ol baǵdarlamany jasaǵan QR Qurylys isteri jáne turǵyn úı-kommýnaldyq sharýashylyǵy agenttigi ekenin túsindirdi jáne ol júzege asyrýdyń eki baǵytyn qarastyrady.

Onyń birinshisi boıynsha qurylys jáne turǵyn úılerdi  berý  turǵyn úı qurylys jınaqtary júıesi arqyly júzege asyrylady. Bul baǵyttyń aýqymynda jergilikti atqarýshy organdarǵa respýblıkalyq bıýdjetten turǵyn úı qurylysyna qarjy bólinedi, salynǵan turǵyn úıd berýdi «Turǵyn úı-qurylys jınaq banki» (TÚQJB) AQ júzege asyrylady. ıAǵnı,   bul baǵyttyń aýqymynda turǵyn úı alý úshin TÚQJB klıenti bolý qajet. Turǵyn úı qurylysy jobasy bankpen kelisiledi, óıtkeni salynǵan úılerge belgili bir talaptar kózdelgen.

Ekinshi baǵyt boıynsha úı salýshylardy ekinshi deńgeıdegi bankter nesıelendirýdi júzege asyrady, munda qarjylandyrýdyń 50 paıyzy ekinshi deńgeıli bankterdiń óz qarajaty esebinen, ekinshi bóligi ekinshi deńgeıli bankterge 3 paıyzdyq mólsherlememen 5 jylǵa depozıt túrinde ornalastyrylǵan bank qarajattary esebinen júzege asyrylady. Qurylys salýshylar úshin paıyzdyq mólsherleme jylyna 12 paıyzdan aspaýy tıis. Osynyń esebinen turǵyn úıdiń túpkilikti quny tómendetiledi, árbir qurylys salýshy turǵyn úıdi sharshy metri úshin 170 myń teńgeden joǵary emes baǵaǵa salýǵa jáne berýge mindettenedi.

Bul baǵdarlama turǵyn úıge muqtaj adamdardyń bárine eseptelgen dep atap kórsetti ákim.  Búgingi kúni 2011-2014 jyldarǵa arnalǵan memlekettik turǵyn úı qurylysy baǵdarlamasy aýqymynda myna jobalar jasalǵan:

1. Lot 1 -  «Jumabaev dańǵyly men Qordaı kóshesi aralyǵyndaǵy Aınakól kóshesindegi kóppáterli turǵyn úı kesheni» - bas jobalaýshy «Astanatehstroıekspert» JShS;

2. Lot 2 - «Saýran jáne Syǵanaq kósheleriniń qıylysy aýdanyndaǵy kóppáterli turǵyn úı kesheni» - bas jobalaýshy «KazArtDesign» JShS;

3. Lot 3 - Ǵ.Músirepov kóshesi,  Sh.Qudaıberdiuly dańǵyly men Mustafın kóshesi oramyndaǵy kóppáterli turǵyn úı kesheni» - bas jobalaýshy «KazArtDesign» JShS;

4. Lot 4 - «Saýran jáne №24 kóshelerdiń qıylysy aýdanyndaǵy kóppáterli turǵyn úı kesheni

5. Lot 5 - «Seıfýllın jáne Beısekova kósheleriniń qıylysy aýdanyndaǵy kóppáterli turǵyn úı kesheni»  - bas jobalaýshy «KazArtDesign» JShS.

Turǵyn úı keshenderiniń shamamen josparlanǵan aýdany 79 438 sharshy metr, páterler sany -  1 425.

Joǵaryda kórsetilgen baǵdarlamaǵa sáıkes Astana qalasynyń qurylys basqarmasy 2011 jylǵy shildede myna turǵyn úı keshenderiniń qurylysyn bastady:

- kóppáterli turǵyn úı parkıngisimen. Esildiń oń jaǵalaýy. 12, 28, 38 kósheler - jalpy aýdany 17,51 myń sharshy metrdi quraıtyn 420 páter, paıdalanýǵa berý merzimi - 2012 jyldyń qyrkúıek aıy;

- «Kampýs» kóppáterli turǵyn úı kesheni, qosymsha bólmeleri men garajdary bar (Z jáne G bloktary) - jalpy aýdany 12,41 myń sharshy metrlik 208 páter, paıdalanýǵa berý merzimi - 2012 jylǵy qyrkúıek.

Negizgi talap - bul baǵdaramanyń qatysýshysy «Qazaqstannyń Turǵyn úı jınaq banki» AQ klıenti bolýy tıis.

Qala basshysy klıentterge talaptar «Qazaqstan Respýblıkasyndaǵy turǵyn úı qurylys jınaqtary týraly» QR Zańyna sáıkes, sondaı-aq TÚQJB ishki normatıvtik qujattary men zaım alý  úshin turǵyn úı qurylys jınaqtary týraly shartta kórsetilgen sharttarmen belgilengendigin atap ótti. Memlekettik baǵdarlamaǵa qatysýshylar ózderiniń tólemge qabilettiligin qýattaýy, sondaı-aq banktiń ishki qujattary belgilegen talaptarǵa sáıkes kepildik qamtamasyz etý usynýy tıis.