ShUǴYL: Astana ákimdigi turǵyn úı komıssııasynyń oń qorytyndysyna ıe bolǵan 2446 azamattyń tizimin jarııalady

Barlyǵy ekinshi kezeń boıynsha azamattardan 26823 ótinish kelip tústi. Biraq aldyn ala júrgizilgen jumystyń barysynda turǵyn úı komıssııasy ótinishte kórsetilgen jumys orny nemese jas otbasy sanatyna jatatyndyǵy jónindegi málimetter jalǵan bolyp shyqqan, bolmasa ótinish bildirýshi azamattardyń basymdyq beriletin tobyna jatpaıtyndyǵynyń 375 faktisin anyqtaǵan.

Osyǵan oraı, komıssııa odan ári tekserýge azamattardyń basym tobyna qoıylatyn talaptarǵa sáıkes keletin 26448 ótinishti ótkizdi.

Memlekettik baǵdarlamaǵa qatysqan ár azamat úshin baspana máselesiniń qanshalyqty mańyzdy ekenin eskere otyryp, turǵyn úı komıssııasy páter ıelerin anyqtaýda qatelikke boı aldyrmaý úshin ár ótinishti muqııat tekserdi.

Qazaqstan Respýblıkasy Úkimetiniń 2008 jylǵy 19 shildedegi № 711 qaýlysymen bekitilgen Jergilikti atqarýshy organdardyń Qazaqstan Respýblıkasyndaǵy turǵyn úı qurylysynyń 2008 - 2010 jyldarǵa arnalǵan memlekettik baǵdarlamasy sheńberinde salynǵan turǵyn úılerdi satý erejelerine sáıkes, turǵyn úıdi satý jóninde sheshim qabyldaý kezinde basymdyq beriletin azamattar tobyna ball berý júıesi arqyly irikteý qoldanyldy. Komıssııanyń oń qorytyndysyna ıe bolýǵa úmitkerler arasynda negizgi krıterıı boıynsha jınaǵan baldar sany birinshi kezekte esepke alynady. Memlekettik qyzmetshiler, memlekettik mekemeler men memlekettik kásiporyndardyń qyzmetkerleri úshin jumys ótili, jas otbasylar úshin olar tárbıelep otyrǵan balalar sany negizgi krıterıı bolyp sanalady. Turǵyn úı qurylysynyń 2005-2007 jyldarǵa arnalǵan memlekettik baǵdarlamasyna qatysyp, irikteýden óte almaǵan azamattar qosymsha 10 balǵa ıe boldy.

Sonymen qatar komıssııa músheleri óz sheshimin shyǵarar kezde páterge úmitkerler otbasynda 1 jáne 2 top múgedekteriniń bolýyn, ótinish bildirýshiniń nemese ótinish bildirýshiniń jubaıynyń 20 aptadan asatyn júktiligin nazarǵa aldy. Memlekettik kásiporyn qyzmetkerleriniń ótinishterin qarastyrýda áleýmettik baǵyttaǵy mekemelerdiń qyzmetkerlerine basymdyq berildi.

Memlekettik baǵdarlamanyń qatysýshylaryna turǵyn úı berý jónindegi qorytyndy shyǵarý kezinde mindetti túrde olardyń menshik quqyǵynda jyljymaıtyn turǵyn úı múlkiniń bolýy jáne onyń 2005 jyldan beri menshikten shyǵarý faktileri eskerildi.

Komıssııa Turǵyn úı qurylysynyń 2008-2010 jyldarǵa arnalǵan memlekettik baǵdarlamasynyń ekinshi kezeńi qatysýshylarynyń qorytyndy tizimin apellıatsııalyq kezeń dep belgilengen 2011 jylǵy 19 tamyz ben 16 qyrkúıek aralyǵynda azamattardan kelip túsken shaǵymdardy qarastyrý negizinde baldardy qaıta esepteýden keıin shyǵardy. Memlekettik baǵdarlamanyń ekinshi kezeńi qatysýshylarynyń shaǵymdardan keıin engizilgen ózgerister men qosymshalarymen qosa tolyq tizimi Astana qalasy ákiminiń www.astana.kz saıtynda ornalastyrylǵan.

Turǵyn úı qurylysynyń memlekettik baǵdarlamasynyń ekinshi kezeńi sheńberinde salynǵan 2446 páterge 26448 adam úmitti bolýyna baılanysty turǵyn úı komıssııasy eń kóp ball jınaǵan jáne menshik quqyǵynda baspanasy nemese onyń bóligi joq, 2005 jyldan beri menshikten shyǵarý jasamaǵan úmitkerlerge oń sheshim shyǵardy.

Erejelerge sáıkes, turǵyn úı komıssııasy kelip túsken ótinishterdi eskere otyryp, basymdyq beriletin ár sanat úshin kvota belgiledi jáne bekitti. Kvotalar tómendegideı bólindi:

- «jas otbasy» sanaty boıynsha 5574 ótinish kelip tústi, 514 páter;

- «memlekettik qyzmetshiler» sanaty boıynsha 8930 ótinish kelip tústi, 831 páter;

- «memlekettik mekeme qyzmetkerleri» sanaty boıynsha 4375 ótinish - 391 páter;

- «memlekettik kásiporyn qyzmetkerleri» sanaty boıynsha 7569 ótinish kelip tústi, 710 páter bólindi.

Turǵyn úı komıssııasynyń oń qorytyndysyna ıe bolǵan ótinish bildirýshiler tólem qabilettiligin rastaý úshin Astana qalasynyń «Turǵynúıqurylysjınaqbanki» AQ-na joldama alady.

Turǵyn úı qurylysynyń 2008-2010 jyldarǵa arnalǵan memlekettik baǵdarlamasynyń ekinshi kezeńi sheńberinde páter alýǵa turǵyn úı komıssııasynyń oń qorytyndysyna ıe bolǵan qatysýshylardyń tizimi «Vechernıaıa Astana» jáne «Astana Aqshamy» gazetteriniń 2011 jylǵy 19 qarashadaǵy nómirlerinde jarııalanady.