ShUǴYL: «Arqankergen» qosynynda qaza tapqan shekarashylarǵa eskertkish Úsharalda barlyq tekserý sharalary aıaqtalǵan soń ornatylady

Bul týraly keshe QR UQK Shekara qyzmeti dırektorynyń mindetin atqarýshy Turǵanbek Stambekov málim etti.

«Eskertkishti osy jerde, Úsharalda barlyq tekserý amaldary aıaqtalyp, qaza tapqandardyń ata-analary qujattarmen tanysqannan keıin ornatamyz. Bylaısha aıtqanda osy oqıǵaǵa núkte qoıylǵan kezde eskertkish ornatylatyn bolady», - dedi T. Stambekov.

Onyń sózine qaraǵanda, búgin «Arqankergen» qosynynda shekarashylar qaza tapqan  jerde áskerı qyzmetterin atqarǵan shekarashylardyń qurmetine eskertkish taqtasy ornatylatyn bolady. Tas qalaýǵa marqumdardyń ata-analary qatysady.Olar Úsharalǵa 26 shilde kúni keldi. Bul shara bitkenen keıin Úsharal qalasynyń QR UQK ShQ №2484 áskerı bóliminde as beriledi.

Esterińizge sala keteıik,  30 mamyrda QR UQK shekara qyzmetiniń «Shyǵys» óńirlik basqarmasy Úsharal shekara jasaǵy «Sary bókter» zastavasynyń narıady taýda jazǵy ýaqytta 15 shekarashy qyzmet atqaratyn «Arqankergen» shekara beketiniń órtengen ǵımaratyn kórgen. Tekserý barysynda janyp ketken 14 adamnyń, onyń ishinde beket janynda ornalasqan ańshylyq sharýashylyǵy qoryqshysynyń máıiti tabyldy. Tiri qalǵan jalǵyz shekarashy Vladıslav Chelah olardy óziniń óltirgenin moıyndady. Tergeý  boıynsha ony «qylmysqa ishki qaqtyǵys, esiniń túsindirýge kelmeıtin kúıde bolýy ıtermelegen».