ShUǴYL: Aral balyqshylary muz qursaýynan qutqaryldy
QYZYLORDA. 1 sáýir. QazAqparat - Qyzylorda oblysy Aral aýdany Bógen aýyldyq okrýginiń 3 turǵyny: Aıgeldi Tólepov, Juman Pirkeshov jáne Bolat Pirmaǵanbetovter Kishi Aral teńiziniń Shaǵalaly ýchaskesinde teńiz ortasynda «kaıýtaly» qaıyqpen balyq aýlaýǵa shyǵyp,
muz qursaýynda qalyp qoıǵandyǵy jóninde Aral aýdany ákimi M.Jaıymbetovke habar túsken. Bul týraly Qyzylorda oblysy TJD baspasóz qyzmeti habarlady.
Qyzylorda oblysy Tótenshe jaǵdaılar departamentiniń shuǵyl toby QR TJM «Qazavıaqutqarý» AQ MI-8 tikushaǵymen balyqshylardy qutqarýǵa Qyzylorda qalasy áýejaıynan keshe 11 saǵat 10 mınýtta ushqan. . Ashyq teńizde qalyp qoıǵan 3 balyqshyny 31 naýryzda 14 saǵat 15 mınýtta Qyzylorda oblysy TJD shuǵyl toby qutqarýshylary QR TJM «Qazavıaqutqarý» AQ MI-8 tikushaǵynyń kómegimen qutqardy. Qazirgi ýaqytta balyqshylardyń jaǵdaılary táýir.
