ShUǴYL: Apat saldarynan Astananyń sol jaǵalaýyndaǵy turǵyndardyń jartysy sýsyz qaldy
ASTANA. 16 qyrkúıek. QazAqparat - Astanada Esil aýdanynda Turan dańǵyly men Qorǵaljyn tasjoly qıylysynda kólemi 600 mm bolatyn qubyr jaryldy. Bul týraly «QazAqparat» agenttiginiń tilshisine «Astana Sý Arnasy» MKK baspasóz qyzmetinen habarlady.
«Sý jelilerine «Qazelektromontaj» JShS qazba jumystaryn júrgizý kezinde zaqym kelgen. Habarlama «Astana Sý Arnasynyń» dıspetcherlik ortalyǵyna 10:30 saǵatta kelip tústi. Qazirgi ýaqytta «Astana Sý Arnasy» MKK sý toqtatyldy jáne jóndeý jumystary júrýde. Apat saldarynan Qaraótkel-2 shaǵyn aýdany, Komsomolskıı men Jaǵalaý turǵyn úı keshenderi jáne Ilınka eldimekeni sýsyz qaldy. Apat jaqyn ýaqyttary joıylatyn bolady», - dep atap ótilgen habarlamada.
