ShUǴYL: Altaı Ábıbýllaev QR Prezıdenti janyndaǵy ortalyq kommýnıkatsııa qyzmetiniń resmı ókili qyzmetine taǵaıyndaldy

ASTANA. 14 qarasha. QazAqparat -  QR Prezıdenti janyndaǵy ortalyq kommýnıkatsııa qyzmetiniń resmı ókili laýazymyna Altaı Ábıbýllaev taǵaıyndaldy.

QR Prezıdenti janyndaǵy OKQ-niń resmı ókili qazaqstandyq jáne sheteldik BAQ úshin turaqty brıfıngter ótkizip turady. Brıfıngterdiń ótetin kúni men orny qosymsha habarlanady.

QR janyndaǵy OKQ taratqan aqparatqa sáıkes, A. Ábıbýllaev 1974 jyly dúnıege kelgen, Varshava ýnıversıtetiniń jýrnalıstıka jáne saıasattaný fakýltetiniń halyqaralyq qatynastar magıstri.

Syrtqy saıasat júıesinde 1997 jyldan bastap qyzmet etip keledi, Polsha jáne Avstııadaǵy QR Elshiliginiń keńesshi-elshisi bolyp jumys jasady, sondaı-aq Venada halyqaralyq uıymdardyń janyndaǵy Qazaqstannyń turaqty ókildiginde eńbek etti. Osy qyzmetke taǵaıyndalmas buryn QR Syrtqy ister mınıstrliginiń resmı ókili - Halyqaralyq aqparat komıtetiniń tóraǵasy boldy.