ShUǴYL: Almatynyń burynǵy ákimi Vıktor Hrapýnovtyń jubaıy izdeýge jarııalandy - QR qarjy polıtsııasy
ASTANA. 1 qazan. QazAqparat - Almatynyń burynǵy ákimi Vıktor Hrapýnovtyń áıeline izdeý jarııalandy, dep habarlandy QR Ekonomıkalyq qylmysqa jáne sybaılas jemqorlyqqa qarsy kúres agenttiginen.
«Hrapýnova (Danııarova Beketova) Leıla Qalıbekqyzy, 19.12.1958 jyly týǵan, Shyǵys Qazaqstan oblysynyń týmasy, ulty - qazaq, QR QK-niń 177-baby, 3-bólimi, «a,b» tarmaǵy, 193-baby, 3-bólimi, «b,v» tarmaǵy, sondaı-aq 235-baby, 1-bóliminde (Alaıaqtyq) kórsetilgen qylmystardy asa iri kólemde jasaǵany úshin aıyptalýda. Іzdeý salynǵan kúdikti anyqtalǵanda (ustalǵanda) nemese onyń ornalasýy múmkin jeri týraly qandaı da bir aqparat alynǵan jaǵdaıda Almaty qalasy boıynsha Ekonomıkalyq qylmysqa jáne sybaılas jemqorlyqqa qarsy kúres agenttigine habarlaýdy suraımyz», - delingen vedomstvonyń resmı saıtynda jarııalanǵan habarlamada.
