ShUǴYL: Almatyda tórt adamdy óltirip ketti
ALMATY. 12 maýsym. QazAqparat - Almatyda keshe jantúrshigerlik oqıǵa oryn aldy. Óz páterlerinde 2006 jáne 2010 jyly týylǵan eki sábı men 1979 jáne 1994 jyly týylǵan eki eresek adam óz páterlerinde qylǵyndyrylyp óltirilgen.
Qaza bolǵandardyń biri QHR azamaty, dep habarlady qalalyq ІІD-niń baspasóz qyzmetinen.
Oqıǵa ornyna Almaty ІІD bastyǵy Qaırat Tynybekov, qala prokýrory Berik Asylov jáne ІІD men Medeý aýdandyq ІІB tergeý jedel toptary bardy.
Qaza bolǵandardyń ákesiniń aıtýynsha, úıden aqsha jáne zergerlik buıymdar salynǵan metall seıf urlanǵan.
Sol kúni shamamen 22 saǵatta «Boran-135» patrýldik kóliginiń ekıpajy jedel izdestirý sharalary kezinde 1983 jyly týylǵan Ózbekstan azamaty men 25 jastaǵy eki Almaty oblysynyń turǵynyn ustady.
Ózbekstan azamaty seıftegi zattardy urlaý úshin tórt adamdy óltirgenin moıyndady. Seıfte aqsha men baǵaly zattardyń bar ekenin ol úı ıesinen bilgen, sondaı-aq sol úıde áldeneshe ret qonaqta bolǵan.
Seıfti tekserý barysynda onda 290 myń ıýan, Almaty oblysy Jambyl aýdanynda ornalasqan jyljymaıtyn múliktiń qujattary, túrli tulǵalardan ártúrli kólemdegi qaryzdyq hattar, zergerlik buıymdar jáne bes kilt tabyldy.
QR QK-niń 96 baby, 2 tarmaǵy boıynsha qylmystyq is qozǵaldy.
