ShUǴYL: Almatyda «Rıksos» qonaqúıinen joǵary jerde birneshe kólik janyp jatyr
ALMATY. 27 maýsym. QazAqparat - Almaty qalasynda Qabanbaı batyr (burynǵy Kalının) - Seıfýllın kósheleriniń qıylysynda «Rıksos» qonaqúıinen joǵary jerde birneshe mashına janyp jatyr.
Aldyn ala boljam boıynsha, Seıfýllın kóshesinde turaqqa qoıylǵan janarmaı tasıtyn kólik jarylǵan. Tártip saqshylary kóshelerdi tórt jaqtan qorshady. Tilsiz jaýdy aýyzdyqtaýǵa 3 órt sóndirý kóligi tartylǵan. Jurtty turǵyn úılerdiń mańyna jolatpaýda.
Apat mańynda qańtarylǵan kólikterdiń taǵy eki jarylysy oryn alyp, ázirge órtti aýyzdyqtaý múmkin bolmaı otyr. Zardap shekkender men adam shyǵyny týraly esh málimet joq. Jaqyn mańdaǵy № 149 balabaqshadaǵy balalar «Dınamo» stadıonynyń aýmaǵyna shyǵaryldy.
