ShUǴYL: Almatyda polıtseılerge shabýyl jasaǵan 6 qylmyskerdiń kózi joıyldy - Bas prokýratýra
ASTANA. 30 shilde. QazAqparat - Almatyda polıtsııa qyzmetkerlerine shabýyl jasaǵan 6 qylmysker quryqtaldy.
Bul týraly QR Bas prokýratýrasynyń baspasóz qyzmetinen málim etti.
Buǵan deıin habarlanǵandaı, 2012 jylǵy 28 shildede Almaty qalasynyń Bekmahanov kóshesinde polıtsııa qyzmetkerlerine qarýly shabýyl jasalǵan bolatyn.
Nátıjesinde, polıtsııa aǵa leıtenanty Erjan Qaıraqbaev sol jerde qaza taýyp, al polıtsııa leıtenanty Ernaz Kojahmetov basyna oq tıip, jaraqattanyp aýrýhanaǵa jatqyzylǵan edi.
Oqıǵa bolǵan jerden qylmyskerler polıtseılerdiń tabeldik qarýlaryn (bir Kalashnıkov avtomaty jáne bir Makarov júıesiniń tapanshasy) alyp ketkendigi belgili boldy.
Osy oqıǵa boıynsha sol kúni ishki ister organdarymen Qylmystyq kodekstiń 96-baby boıynsha (kisi óltirý) qylmystyq is qozǵaldy.
Jedel-tergeý is-sharalaryn júrgizý barysynda qylmysqa qatysty kúdiktiler anyqtaldy. Olar buryn aýyr qylmystar jasaǵandary úshin sotty bolǵan tulǵalar.
Sondaı-aq, olar jazalaryn bir túzeý mekemesinde ótep, bostandyqqa shyqqannan keıin qaraqshylyq top qurǵandyqtary anyqtaldy.
Polıtsııa qyzmetkerlerine shabýyl jasalǵan kúni atalǵan top músheleri oqıǵa bolǵan jerge jaqyn mańda ornalasqan taýar saqtaý qoımasyna qaraqshylyq shabýyl jasaýdy josparlaǵan.
Olardyń qylmystyq josparlaryn júzege asyrýǵa qalanyń osy aýdanynda qyzmet atqaryp júrgen polıtsııa qyzmetkerleri bóget jasaǵan. Osylaısha, qylmyskerlerden seziktengen polıtseıler olardyń qujattaryn tekserip, jeke bastaryn anyqtaý týraly sheshim qabyldaıdy. Alaıda, qaraqshylyq top músheleri olarǵa qarsy oq atqan.
Búgin, 2012 jylǵy 30 shildede ishki ister organdarynyń jedel bólimsheleri qylmystyq top músheleriniń «Ahsel kent» yqsham aýdanyndaǵy №37 úıdiń páterleriniń birinde jasyrynǵandyǵyn anyqtap, olardy oqshaýlandyrdy.
Osy jáne jaqyn ornalasqan úılerdiń turǵyndary qaýipsiz jerge jetkizildi.
Qarýly qylmyskerlerdi ustaý boıynsha arnaıy operatsııa júrgizý kezinde olar berilýden bas tartyp, arnaıy bólimshe qyzmetkerlerine qaraı oq ata bastady.
Qarsy atyspen barlyq 6 qylmysker joıylyp, oqıǵa bolǵan jerden atys qarý-jaraqtary tabylyp, alyndy.
Beıbit turǵyndar jáne quqyq qorǵaý organdarynyń qyzmekerleri arasynda qaza bolǵandar men jábirlenýshiler joq.
Oqıǵa bolǵan jerde shuǵyl tergeý áreketteri júrgizilýde.
