ShUǴYL: Almatyda polıtseı óltirildi
ALMATY. 20 naýryz. QazAqparat - Búgin Almatyda polıtseı óltirildi. Bul týraly QazAqparatqa qalalyq ІІD-niń baspasóz hatshysy Ermek Boltaev málimdedi.
«11.00-de Alataý aýdanynyń ýchaskelik ıspektory, 31 jastaǵy polıtsııa leıtenanty Erlan Bopyrbaev óziniń ýchaskesin teksergen. Sol kezde oǵan qaryndasy habarlasyp, ony Nursultan esimdi er adam óziniń páterinde kúshtep ustap otyrǵanyn aıtqan. Polıtseı oqıǵanyń mán-jaıyn anyqtamaq bolyp, sol jerge barǵan. Qyzdyń sózine qaraǵanda, ári qaraı er adamdar arasynda kelispeýshilik týyndaǵan. Nursultan Maldybaev ýchaskelik polıtseıdiń moıyn tusyna pyshaq jaraqatyn salyp, qashyp ketken. Polıtseı onyń artynan qýyp, ustamaq bolǵanymen, 400 metr jerden keıin esinen tanyp, qulaǵan», - dedi E. Boltaev.
«Kórshiler jedel-járdem shaqyrǵan. Polıtsııa ofıtseri esin jımastan aýrýhanaǵa barar jolda qannyń kóp ketýinen jan tapsyrdy».
Anyqtalǵandaı, N. Maldybaev aldap-arbaý arqyly «Aqbulaq» shaǵynaýdanynda aǵasymen birge turatyn qyzdyń úıine kirgen. Ol ózin boıjetkenniń aǵasynyń dosy retinde tanystyryp, ishýge sý sýraǵan. Keıin N. Maldybaev qyzdy zorlap, kúshtep «Uljan» shaǵynaýdanyna alyp ketken. Boıjetken tańerteń qaskúnemniń uıyqtap qalǵanyn paıdalanyp, marqum bolǵan aǵasy Erlan Bopyrbaevqa qońyraý shalǵan.
Baspasóz hatshysy mál3m etkendeı, jedel-izdestirý sharasynyń barysynda bir jarym saǵattan keıin patrýldik polıtsııa polk3niń polıtseıleri 28 jastaǵy kúdikti Nursultan Maldybaevty ustady. Onyń ústinen qylmystyq is qozǵaldy.
