ShUǴYL: Almatyda iri poker klýbynyń joly kesildi: oıyn zalynda ustalǵan 131 oıynshynyń 20-sy Qazaqstan aýmaǵynda zańsyz júr
ASTANA. 3 qarasha. QazAqparat - Keshe keshkisin QR ІІM Krımınaldyq polıtsııa komıteti Uıymdasqan qylmystyń shoǵyrlanýmen kúres jónindegi Ońtústik óńirlik basqarmasynyń jáne «Búrkit» arnaıy maqsattaǵy bólimshesiniń qyzmetkerleri Almaty qalasy Bostandyq aýdanynyń prokýratýrasymen birlesip,
Balýan Sholaq atyndaǵy sport saraıyna japsarlas salynǵan ǵımarattyń tórtinshi qabatynan «Astorııa» dep atalatyn zańsyz poker klýbynyń jolyn kesti, dep habarlady atalǵan vedomstvonyń baspasóz qyzmetinen.
Oıyn zalyn tekserý barysynda onda 29 klýb qyzmetkeri, 131 oıynshy, onyń ishinde 20 shetel azamaty bolǵan. Sheteldik azamattardyń birqatary elimizdiń kóshi-qon zańyn óreskel buzyp respýblıka aýmaǵynda júrgen. 22 poker ústeli, 21 oıyn avtomaty, 2 elektrondy rýletka men 3 beınetirkeýshi tabylǵan. Kassadan 4,5 mln. teńge, shamamen 14 myń AQSh dollary, 15 myń reseı rýbli, 10,5 myń oıyn fıshkalar, sondaı-aq mekemeniń kiris jáne shyǵys jazbalary alynǵan.
Zańsyz oıyn zalynyń ıesi 45 jastaǵy Ózbekstan azmaty bolyp shyqqan. Ol da Qazaqstan aýmaǵynda elimizdiń kóshi-qon zańyn buzyp júrgen. Qazirgi ýaqytta odan ári jedel tergeý sharalary júrgizilýde.
