ShUǴYL: Almaty resmı túrde 2017 jylǵy 28-qysqy Ýnıversıada astanasy bolyp jarııalandy

Bul týraly Brıýsselde Ýnıversıtet sporty halyqaralyq federatsııasynyń (FISU) prezıdenti Klod-Lýı Galen daýys berý qorytyndysyn jarııalaǵannan keıin belgili boldy.

Halyqaralyq sport sheneýnigi atap ótkendeı, ol Almatynyń 2017 jylǵy qysqy Ýnıvaersıada ótkizýge kandıdatýrasyn jan-jaqty qoldaǵan, óıtkeni bul qalada mundaı halyqaralyq sport jarystaryn ótkizýge úlken múmkindikter jasalǵan. «Degenmen ýnıversıada - eki aptalyq qana shara emes. Oıyndardy ótkizýge úlken daıarlyq jumystaryn júrgizý qajet. Bolashaqta sizder Ýnıversıada jemisterin uzaq jyldar boıy paıdalanatyn bolasyzdar, odan ári qysqy olımpıadalyq oıyndar ótkizýge ilgeri jyljı alasyzdar», - dedi K.Galen.

Qazaq sport jáne týrızm akademııasynyń rektory Qaırat Zakırıanov Ýnıversıadany ótkizý Qazaqstanda stýdenttik sportty damytýǵa qýatty serpin beretinin atap ótti. «Bul sonymen qatar Qazaqstanda buqaralyq balalar jáne jasóspirimder sportyn damytýǵa múmkindik beredi», - dedi ol.

Óz kezeginde olımpıada chempıony, shańǵy sportynan tórt dúrkin álem chempıony, KSRO eńbek sińirgen sport sheberi Vladımır Smırnov Almatynyń jeńisi óte mańyzdy boldy, óıtkeni bizdiń elimiz bıyl respýblıka Táýelsizdiginiń 20 jyldyǵyn atap ótedi, dep atap kórsetti.

Almaty qalasy jastar saıasaty basqarmasynyń bastyǵy Baqtııar Máken Almatynyń tanystyrylymy ońtústik astananyń 2017 jylǵy stýdenttik olımpıada sııaqty osyndaı iri sporttyq sharany qabyldaı alatynyn kórsetti, dep atap kórsetti.

Oımpıadalyq oıynynan keıin aýqymy jaǵynan ekinshi sporttyq sharany ótkizýge eki qala - Almaty men Trento (Italııa) úmitker bolǵan edi. Alaıda Almatynyń kórinip turǵan artyqshylyǵyna, sondaı-aq ekonomıkalyq daǵdarysqa baılanysty Italııa úkimeti óz kandıdatýrasyn alyp tastaýǵa sheshim qabyldady. Sóıtip, Almaty básekelester bolmaǵandyqtan 2017 jylǵy 28-qysqy Ýnıversıada astanasy atandy.