ShUǴYL: Almaty prokýratýrasy «Alǵa» jáne «Halyq maıdanyn» ekstremıstik dep taný jáne olardyń qyzmetine tyıym salý týraly talap etti
ASTANA. 21 qarasha. QazAqparat - Almaty qalasynyń prokýratýrasy keshe, 20 qarashada tirkelmegen «Alǵa» jáne «Halyq maıdany» qoǵamdyq birlestikterin ekstremıstik dep taný jáne olardyń qyzmetine Qazaqstan Respýblıkasy aýmaǵynda tyıym salý týraly; talaptarmen jáne aryzdarmen sotqa júgindi.
Bul týraly QR Bas prokýratýrasynyń resmı ókili Nurdáýlet Súıindikov málim etti.
«Kozlov pen basqalarǵa qatysty zańdy kúshine engen sot úkimimen tirkelmegen «Alǵa» jáne «Halyq maıdany» qoǵamdyq birlestikteriniń, sondaı-aq birqatar buqaralyq aqparat quraldarynyń qyzmeti ekstremıstik sıpatta bolǵandyǵy anyqtaldy»,-dedi ol.
Resmı ókildiń aıtýynsha, «Alǵa» jáne «Halyq maıdany» músheleri tarapynan ereýilge shyqqan munaıshylarǵa úndeýler men basqa da baspa ónimderi taratylǵan, sondaı-aq olardyń aldynda sóılegen sózderinde áleýmettik arazdyqty qozdyrǵan jáne bılikti kúshtep qulatýǵa shaqyrǵan.
