ShUǴYL: Almaty oblysynda týǵan anasy óziniń eki aılyq balasyn qylǵyndyryp óltirdi

Qatygez ana óziniń jasaǵan qylmysyn jasyrý úshin «jedel járdem» shaqyryp, balasynyń tunshyqqanyn aıtty. Dárigerler balanyń ólimin birden rastady.

«Shaqalaqtyń anasy Natalıa Sıdınkovanyń sózine qaraǵanda, bul oqıǵa 12 aqpanda oryn alǵan», - dedi oqıǵa ornyna kelgen Qaratal aýdanynyń prokýrory Quralbek Shoıbekov. - Ol óziniń azamattyq kúıeýi Klıtskomen spırttik ishimdik ishken. Shamamen saǵat 19.00-de araqqa sylqııa toıǵan áıelge balasynyń jylaǵany mazasyn ala bastaǵan. Ol kereýetke jaqyndap, alaqanymen sábıdiń aýzyn jáne murnyn basyp turǵan, ol jylaýyn toqtatqan kezde ústine kórpe jaýyp, ári qaraı óziniń «kóńildi» otyrysyn jalǵastyrǵan. Ol «jedel járdemge» tek saǵat keshki toǵyzdarǵa qaraı, uly Vıtıanyń tynys almaǵanyn túsingen kezde qońyraý shalǵan».

Balanyń denesinde uryp-soǵý belgileri tabylǵan joq. Eki aılyq Vıtıa Sıdınkovtyń denesi Taldyqorǵanda sot-medıtsına saraptamasyna jiberildi. 32 jastaǵy Natalıanyń buǵan deıin kámelettik jasqa tolmaǵan bes balasy bolǵan, alaıda ol perzentterinen bas tartqan. Olardyń barlyǵy Almatynyń jetimder úıinde tárbıelenýde.