ShUǴYL: Almaty metrosy 1 jeltoqsanda paıdalanýǵa beriledi
ALMATY. 9 maýsym. QazAqparat /Erlik Erjanuly/ - Almaty metrosy 1 jeltoqsanda paıdalanýǵa beriledi. Bul týraly «Metropolıten» memlekettik kommýnaldyq kásipornynyń dırektory Murat Ókshebaev búgin Almatyda ótip jatqan «Metro» qaýymdastyǵynyń halyqaralyq konferentsııasynda aıtty.
«Qazir Almaty metropolıtenin iske qosýǵa ázirlik jumystarynyń 90 paıyzdan astamy aıaqtaldy. Barlyq kúrdeli qurylys jumystary bitip, endi temirjol tabanyn júrgizý ǵana qaldy. Qudaı qalasa, jeltoqsannyń 1-inde barlyq jumysty bitirip, ony iske qosýǵa tolyq múmkindik bar», - deıdi Murat Ókshebaev.
Almaty metrosynyń jolaýshylar tasymaldaý múmkindigine saraptama jasaǵan zertteý ınstıtýty táýligine 300 myń jolaýshy tasymaldaı alady dep boljaǵan edi. «Metropolıten» MKK dırektorynyń paıymdaýynsha, alǵashqy kezeńde 2012 jyly bul san táýligine 30-40 myń adamdy quraýy múmkin. Ondaǵy jol aqysy buǵan deıin 75 teńge kóleminde bolady dep josparlanǵan-dy. Qazir ol avtomobıl joldary men kólik basqarmasynyń málimetine qaraǵanda, metro men avtobýstaǵy jolaýshylar tasymaldaý baǵasy birdeı bolady. Aqyrǵy sheshim endi metrodaǵy jolaýshylar tasymaly qozǵalysy iske qosylǵan kezde shyqpaq.
